ئاوهخته، قورس و پتهو، پایهکاش نیای سهروو زهمینی * مازیش راسوه کهرد * مهغروورانه (بهرزهدهماغانه) ملش بهرزوهکهرد و هاوارش بهر ئارد: ئانه من ! بنیاوام! پاڵشاو زهمینی! گیاندارهکا گرد به دهنگ و هاواروو ئادی چڵکیایره * و ئا غرووره که دلێ هاواروکهیشهنه ئهوه شاریا بێ سهپیا ملوو گردوو گیاندارهکاره * و بنیاوام گردوو گیاندارهکاش وستێ ڕا * و گردش وستێ لاوهو داش وهڵێشاره * و بی سهردهسهشا ئاوهختهولای که دهسهکاش جه ئیسارهت/پابهندی خاکینه خهلاس کهردێ.
ئاوخته کهشهکاو خاک به ئیتاعهتوو بنیاوامی کوڵشا دا * و کوه به ئیتاعهتوو بنیاوامی کوڵش دا * و دهریاکا و ڕوخانه به ئیتاعهتوو بنیاوامی کوڵشا دا * و تاریکی و وهرهتاو به ئیتاعهتوو بنیاوامی کوڵشا دا * و ههرپاسه بێشهکاو واو واگژه * و ئاور بی به ئهسیر/پابهندوو بنیاوامی * جه گیاندارهکا ههرچیه بێ بیێ به ئهسیر/پابهندوو بنیاوامی ، دلێ ئاوێنه و جه خاکهنه و به ئاسمانوه ، ههر چیه بێنێ و جه ههر کوگهنه* و جههان بی به مۆڵکوو ئادی * و پاڵشایی ئاوی و خاکی بڕیا باڵاو ئادیره * و گردوو جههانی کهوت چیروو دهسوو ئادی * و وهخت کهوت چیروو هازهو پهنجهکاش * و پرشهو وهرهتاویش کهرد به سکێ به نامێ وێشوه ئاوهختهولای که دهسهکاش جه ئێسارهت/پابهندی خاکی واز کهردێ .
خاکش دیماندیم کهرد * ڕۆخانه و دهریاش به حکموو وێش ڕام کهردێ پهی نۆکهری * و جه گرد یاگێوهنه شووموو وهردوو خاکیش کهرد به سهربهرزانه * گردوو زهمینیش ئاوهدان کهرد به دهسهکاش * خودایچش خولوقنا به دهسهکاش ، به خاک، دار و گهوره تهوهنی * و به سهره سڕمهنیهیوی دیا پهی خولوقیاکهیش ، پهی ئانهیه زهریفتهر جه دهس وهشکهردهکهیش هیچ کهس خولوقیایێوی زهریفتهر چانهیشه نهبێ * و نماش پهی وهنه، پهی ئانهیه موعجێزهو دهسهکاش بێ دماو ئاوهختهولای که جه ئێسارهت/پابهندی خاکینه خهلاسش کهردی.
دماتهر خۆدایوی که خولوقیاو دهسه موعجێزهگهرهکاو ئادی بێ به ویروو وێشوه ئاستش جیا (جه ویرش بهردوه که وێش وهش کهردهن) * و دهسه خۆدا خولقنهرهکاو وێش که چهکوو پاڵشایی ئادی بێنێ بهرزشوه کهردێ پهی بهرهگایش پهی سواڵ کهردهی و بهرهکهتی.
کوفرانوو نهعمهتی کریا * و دهسه ئهتک کریایهکا لهعنهتهشا کهرده ئهو ئینسانی پهی ئانهیه یاگێ ئهیشا دهس گێرتهی سهروو سینهی نهبێ پهی نۆکهری.
ئه پیسه فوتیای دهسش پهنه کهرد.
سهرچهمه : ئهحمهدی شاملوو، مهجمووعهو ئاساری، دهفتهروو یه کۆمی ، نهشر یان وڵاوکهرهوهو نگاه ی ، چاپ چوارۆمی ، تاران، 1382.
واچهنامهی هۆرامی:
چڵکیاره : تهرسای، تهرسنای، ترسیدن *** سهپیا: سهرکهوت ،چیره شد *** گیاندار : بیهینهوهر، جاندار *** خهلاس : واز کهردهی، نهجات دای، آزاد کردن *** بێشه ؛ دارسانی وردی، بیشه *** واو واگژه : باد و طوفان *** جههان : دنیا*** پاڵشایی : پادشاهی *** دیماندیم : چیروو چوهر، زیر و رو *** شووموو وهرد : به هم زدن *** خولوقنا : آفریدن *** خولوقیا : آفریده *** خولوقنهر : آفریننده *** سهره سڕمهنهی: تهحاجب، حیرت، *** دهس وهشکهرد : دست ساز، دست کار *** وهرهتاو: آفتاب *** چهک : سلاح، ابزار *** بهرهگا : پیشگاه، درگاه *** ئهتک : توهین .
